Archivo del día 26 enero 2006

Musika loturak / Enlaces musicales

Musika munduko zenbait lotura interesgarri Bonberenea-n ikusiak

Algunos enlaces interesantes del mundillo musical vasco

Taldeak / Grupos
Link +
Agenda

Enviar comentario 26 enero 2006

Metak desagertzear!

Aurreko artikuluan zenbai talde aipatzen nituen, gehienak disketxe bati esker ezagutzera eman zirenak, Esan Ozenki. Disketxe honek Metak disketxe berriaren oinarri izan zen. Ezagutzen ezdituenarentzat, beraien musika katalogoa ikustea besterik ezdago horrelako disketxe batek izan duen garrantzia antzemateko. Baina Ez dira betiko garai honenak

Aipatu dudan artikulua amaitu berri dudala, albiste berri bat jaso dut!

Metak disketxea itxi egingo da!
metak
Sustatun irakurri dut albiste goibek hau.
Jarraian datorrena da gaur Metak disketxeak e-postaz banatu duen buletineko testua:

Zuetako askok entzuna izango du dagoeneko kalean dagoen esamesa. Egia da, edo egia izan daiteke. Esamesek handiak izaten baitute lehen alditik azkenaurrekora. Egia da urtarrilaren 31 gure azken eguna izango dela egoera ekonomikoak bultzatuta. Metak itxiko dugula alegia.

Ur harrotuen artean ibili gara beti, egoera zaila da diskogintzan, are zailagoa euskal musikan. Salmentek urtez urte behera egin dute, nabarmen. Honek kinka zailaean ipini izan gaitu ia ekoizpen bakoitzarekin, eta azkenean joera hori gailendu eta benetan hondoratu aurretik lehorreratu beharrean ikusi gara. Zinez gogorra egin zaigu erabaki hau hartu izana, baina bai, zenbakiek agintzen dute eta jakin bagenekien ez zela samurra, baina aurrera egin dugu ahal izan dugun arte.

Bost urteotan egindako lanarekin pozik gara. Katalogo sendo bat uzten dugulakoan gaude, zeinaren banaketa dendetan bermatua izango da Elkar banaketen bitartez. Egindako apustuak ez zaizkigu damutzen, argitaratutako diskoak bere momentuan argitaratu nahi genituenak ziren. Egindako harremanak iraungo duten harremanak izango direlakoan gaude.

Eskerrik asko denoi, urteotan gurekin izan zaretenoi, talde, entzule, banatzaile, kazetari, lagun eta bidaide guztiei.

Batek daki, bidea luzea da eta akaso batekin edo bestearekin topatuko gara berriz.

ta orain ezin eutsi izan giñana (Hertzainak/aitormena)

Enviar comentario 26 enero 2006

Mikel Kazalis

Aurreko post baten Negu Gorriak aipatu nuen 90º amarkadako erreferentzietako bat bezala.
Asko idatzi da Negu Gorriak eta bere frontman izan zen Fermin Muguruza-ren inguruan.

Baina banda mitiko horretako partaide izan ziren..
# Iñigo Muguruza (Gitarra eta ahotsak)
# Kaki Arkarazo (Gitarra eta ahotsak)
# Mikel Kazalis – Mikel Anestesia (Baxua eta ahotsak)
# Mikel Abrego – Mikel BAP! (Bateria)
..ere ezin ditugu ahaztu!
negu
Oraingo hontan Mikel Kazalis izango dut mintzagai.
Mikel Kazalis euskal musika munduan izen garrantzitsu horietako bat da. Beharbada ez da lehen mailako pertsonai bezela ezagutzen den horietakoa, baina zalantza gabe funtsezkoa dugu gaur egungo musika eszena ulertzeko.

Bere ibilbidea ikusita (Estigia, Anestesia, Negu Gorriak, 2kate, Kuraia) musika gogorren zale dela esan dezakegu, baina nik abanguardiako musika jorratzeagatik aipatuko nuke.

«Egia esan, ni beti izan naizen proiektuetan, sortu diren momentuan, berritzaileak izan dira. Dena den, arriskatuena Bi Kate izan zen, beharbada. Esperimentu bisualarekin ere jolastu nahi izan genuen eta alde horretatik apurtzailea zen. Jendeari kosta egin zitzaion ulertzea. Hemen jendea oso asimilatuta dauden gauzatara ohituta dago; Euskal Herrian ez gara batere abanguardistak».
Mikel Kazalis, euskalmusika.com

2kate
Bere iharduna musika munduan zabala izan da, eta ez da musikari izatera mugatu, horren erakusgarri ditugu eginiko produkzio eta soinu teknikari lanak (adibidez Eraso taldearekin) eta grabaketa egiteko erabiltzen den bere Fidelenea estudioa.

eta guzti hau zergatik? lanera nentorrela Euskadi Gaztea irratiko Salgai saioan Anestesiaren abesti bat jarri dutelako! eguna energiaz beteta hasteko!

Musika gehiago
www.musikametak.com
www.esan-ozenki.com

Enviar comentario 26 enero 2006


Calendario

enero 2006
L M X J V S D
 1
2345678
9101112131415
16171819202122
23242526272829
3031  

En el congelador

Busca tu ingrediente